Маусымның бірінші жұлдызында Мадридтегі «Ванда Метрополитано» стадионында 2018-2019 жылғы УЕФА Чемпиондар Лигасының финалы өтті.
Мұнда қос бірдей ағылшын клубтары «Тоттенхэм» мен «Ливерпульдің» жолдары түйісті.
Матчта Юрген Клопп шәкірттері жауапсыз қос доп айырмасымен жеңіске жетті. Есеп ойынның 2-ші минутында ашылып, Мохамед Салах пенальтиден мүлт кетпеді. Лондондықтардың қақпасына екінші голды 87-ші минутта Дивок Ориги тоғытты.
Осылайша, «Ливерпуль» өз тарихында Кәрі Құрлықтың теңдессіз додасын алтыншы мәрте бағындырды. Мерсисайдтықтардан бұл көрсеткіште тек мадридтік «Реал» (13 жеңіс) және «Милан» (7 жеңіс) ғана алда тұр.
